今年工作上可謂一落千丈. 要做既工作煩不在話下, 人事上都好煩...

香港辦公室才不過廿幾人, 辦公室政治真係使你見盡人生百態. 自上年度公司有一筆大數目既數收唔返之後, 第一時間大家諗既就係公司會唔會炒人, 而事實上公司由上年金融風暴開始都依家, 話只係炒左2個人咁大把. 但係因為老闆娘成日出口術話公司好窮, 有好多錢收唔到, 隻糧花紅通通唔會有, 仲要每用公司一種資源都要用得其所唔好浪費. 搞到全公司人心惶惶, 驚自己畀人篤背脊之後係公司會求生不得求死不能... 於是辦公室政治忽然間呢兩年係公司放大幾萬倍! How to deal with trouble makers 係我今年主修料目!

Job duties 放面, 上星期開始我正式要面對"大陸公司如果入/做帳"呢個問題, 雖然之前都有接觸大陸公司, 但係 involve 唔多, 依家係上手"講左等於冇講"既情況下, 咩都要自己諗, cut cost 不在話下, 仲要諗埋大陸稅同香港稅務上既 implication. 最煩既係上手會不時會走黎八卦下你搞成點, 唔好以為你諗唔掂佢會幫你諗, 佢只會話你唔跟嘢. 邊有咁好心幫你吖, 搞少D事已經叫俾面喇!

今年工作上發生好多變化, 搞到我開始諗到底係咪我冇用搞唔點呢? 但係問同事人地又唔會答你架喎, 個個依家既基本原則都係"少做少錯, 唔好做任何決定, 但係一捉到人就將佢放大幾千倍去要功", 依家每日返工見到D trouble makers 既時候個心都好想"車把佢".

今年過左四分三喇, 不過真真正正要學習既依家先開始! 唉~ 唔知黎緊呢三個月點過呢?