由疾病資訊, 風水命理, 人生百態, 到心理質素都多左唔少認識.

風水: 中國人唔多唔少都會信, 有D會半信半疑, 有D信既程序近乎迷信. 我本人對風水都只係一知半解, 但係現階段都係半信半疑, 有個朋友同我講你住繄嗰間屋風水唔好, 所以引發我老爸有呢個病, 仲叫我快D搬. 如果唔係呢一關老爸好難過得到... 其實我三年前都已經叫搬, 亦去過睇樓, 之但係因為屋企人睇唔啱心水, 所以到依家都未搬...

其實唔係我朋友講都知間屋唔好住, 因為上層唔知點解24小時都會失驚無神發出一聲巨響, 好似有人掉個鎚仔落地下咁, 最奇怪既係呢D巨響係不定時發出既, 有時你瞓到半夜三更畀呢D聲整醒, 長期如此, 你都咪話冇事, 長期都瞓得唔好既你話會點吖?

雖然話人一定有生老病死, 但係我相信大陪份人都唔希望自己既親人咁中離開自己既, 所以有咩可以做既, 我諗我地都會一試...之但係當然D咩補藥黨既嘢我地係唔會試既, 因為我識有個朋友個阿姨係一位都幾出名既中醫師, 所以有咩中醫既嘢我地會去搵佢阿姨睇下...

其實... 我地可以做既只係畀一個開心既環境佢, 其他既嘢, 我地只可以留畀醫生...